Wananchi wa
kijiji cha Chogo kata ya mapanda wilayani mufindi mkoani Iringa wamelalamikia
kuhusu kuny”ang”anywa kinguvu ardhi yao zaidi ya hekari 500 ambazo ni mali ya kijiji hicho.
Wakizungumza
na waandishi wa habari kijijini hapo wananchi hao wamedai kuwa wamenyang”anywa
ardhi hiyo na bwana Godfrey Mosha ambaye pia ni mjumbe wa NEC mkoa wa iRinga kupitia chama cha
mapinduzi ccm.
Aidha
wananchi hao wamedai kuwa Bwana Mosha amekuwa
akiwafanyia vitendo vya kinyama baadhi ya wananchi anaowakuta wakifanya
shughuli mbalimbali za kimaendeleo ndani ya shamba hilo ambapo wamedai amekuwa
akiwatishia kwa bunduki mara kadhaa na kuwapiga huku akiwa amewavua nguo jambo
ambalo wanaona ni kunyanyaswa na kuwadhalilisha katika ardhi yao wenyewe.
Hivi majuzi
baadhi ya wananchi wakiwa katika shughuli za upandaji miti ndani ya shamba hilo
mara akatokea bwana mosha akiwa na mfanyakazi wake na kuanza kuwapiga na
kuwatishia na bunduki ikiwa na risasi za moto kutokana na kuchoshwa na
unyanyasaji wa mara kwa mara unaofanywa na kibosile huyo wakaamua kujitoa muhanga na kumnyang”anya
silaha na kuanza kumpa kichapo ambapo baada ya tukio hilo kibosile huyo
alichukuliwa na kwenda kutibiwa mkoani Dar es Salaam huku baadhi ya vijana wa
kijiji cha Chogo kama ilivyo ada ya yanayotokea huko na nguvu ya fedha na
mtandao mkubwa wa viongozi na jeshi la polisi alivyonavyo bwana MOSHA vijana
hao walikamatwa na kupelekwa mahabusu.
Kwa upande
wao wananchi wakiongozwa na Mtendaji na mwenyekiti wa kijiji cha Chogo wamedai
kuchoshwa na hali hiii ambapo wanadai kuwa wamekwishatoa taarifa kwa mkuu wa
mkoa wa Iringa ambaye amedai kuwasaidia
huku mkuu wa wilaya ya Mufindi Bi evarista kalalu akidai kuwa hawezi
kumwajibisha kada huyo wa CCM na kuwataka wananchi kusubiri hadi
utakapomalizika uchaguzi wa mwaka 2015 ndipo alishughulikie jambo hilo.
Pia wananchi
hao wanadai Mosha amekuwa akijigamba kuwa jeshi la polisi, viongozi wa chama na
serikali ni watu anaowamudu hivyo hakuna anayeweza kumfanya jambo lolote hatua
ambayo wananchi wanadai anayafanya haya kwa kuwa ni kiongozi wa chama tawala na
mkewe ni mjumbe wa halmashauri kuu ya chama cha mapinduzi taifa na wao wamedai
kuwa wamesikia tetesi za mkewe kutaka kuwania ubunge katika jimbo la mufindi
kusini ambapo wamesema watapita katika kila kata kuwaomba wananchi hao wa
mufindi kusini kutomchagua katika nafasi hiyo.
Post a Comment