Wakati wanafunzi wa shule za msingi
wanatarajia kuanza kufanya mtihani wa kuhitimu elimu hiyo kesho nchini kote; Ebeneza
Mtivike wa shule ya
msingi Ikelu iliyoko katika Halmashauri ya Mji Makambako atafanya mtihani
huo akiwa amelala kwenye godoro.
Afisa Elimu wa Halmashauri ya Mji
Makambako, Shomari Bane alisema Mtivike atafanya mtihani huo katika mazingira
hayo shuleni hapo kwasababu ni mgonjwa wa muda mrefu asiye na uwezo wa kukaa
kwenye dawati.
Alisema ili kumtendea haki mwanafunzi
huyo, ataongezewa muda kwa baadhi ya mitihani.
Watakapokuwa wanafanya mtihani wa hisabati
mwanafunzi huyo ataongezewa dakika 10 huku masomo mengine ya Sayansi, Kingereza
na Maarifa ya Jamii ataongezewa dakika 15.
Kwa mujibu wa taarifa ilitotolewa na
Afisa Elimu Mkoa wa Njombe, Said Nyasiro mwanafunzi huyo atafanya mtihani huo
akiwa amelazwa kwenye godoro kwasababu anaugua ugonjwa wa kichocho kwa muda
mrefu.
Nyasiro alisema mwanafunzi huyo ataungana
na watahiniwa wengine 17,300 wa mkoa mzima wa Njombe kufanya mtihani huo.
Kati ya watahiniwa hao, alisema wapo
wawili wasioona wa wilaya ya Wanging’ombe na walemavu wa ngozi 22.
Alisema mkoa wa Njombe una matarajio
makubwa kwamba kiwango cha ufaulu kitaongezeka mwaka huu kutoka asilimia 70.7
za watihani uliopita.
Post a Comment